Bheka! Ukuncika kwalo obondeni! <br />Licosha izintuli, likhithiza ukuthomba <br />Phela lena kwaku-y-imilenze yakhe yensimbi <br />Eya esikoleni, esontweni, noma eya ko qhetha <br />Ngamhla lishisa noma linetha <br />Kwathi ngalanga limbe wabuya ewulwandle <br />Engakhulumisi muntu <br />Ngaqaphelisa udaka eyembeni lakhe <br />Kanye notshani embungculu yekhanda lakhe <br />Emva kwesikhathi ngacaciselwa ngengozi engatheni <br />Ayeke wahlangabezana nayo <br />Phela washayisa itshe wavuka phansi <br />Ngalelo langa, ngabo bonke lobo busuku <br />Imilenze yensimbi yalala phansi, yalala phandle <br />Kodwa kwathi ngosuku olwalandela lolo <br />Kuse mpondo zankomo nge hora lesihlanu <br />Ngavuswa umsindo wakhe <br />Ehlikihla insimbi <br />Eshikisha irabha <br />Eselungele ukungena indlela <br />Kodwa manje selincika ngobonda usuku lonke-<br /><br />LLM Mbatha<br /><br />http://www.poemhunter.com/poem/zulu-inkondlo-ibhayisikili-elidala/
